MIPASALIG sila 1st District Congressman Christian Unabia ug 2nd District Congressman Bambi Emano sa padayong pagpaabot sa tinuoray nga serbisyo sa Misamis Oriental. Kini human sila mihatag mensahe isip supporta sa mga kandidato sa alyansang PAGLAUM ug Padayon Pilipino. Mihangyo usab ang mga kongresista sa subling supporta sa mga katawhan sa ilang pagdagan aron mapalig-on ug mapadayon ang tinguha ni Gov. Peter ‘Sr. Pedro’ M. Unabia nga makubsan ang kapobrehon sa probinsya.
Giklaro ni Congressman Unabia nga taas man nga ambisyon ang SDPI Program dili mamahimong possible kung wala ang pagtinabangay sa tanang kandidato sa PAGLAUM ug Padayon Pilipino. Gitanyag usab ni Congressman Unabia ang iyang mga kalampusan nga nabuhat sa unang distrito sama sa Magsaysay-Butuan Bypass Road, Gingoog Drainage Master Plan, Dormitories, Community College, Land Transportation Office, 1st Misamis Oriental General Hospital, Scholarship Programs ug uban pa. Gipadayag usab ni Congressman Emano ang duha niya ka mga tinguha kung siya subling mapili ug mao ang maabrehan ug mapasemento ang Misamis Oriental West Diversion Road ug mahimong International ang Laguindingang Airport. Nagtuo si Congressman Emano nga sa iyang pagdagan uban saiyang partido padayon nilang supportaan ang mga plano nga makaayo sa tanang Misamisnon.
Kabahin kini sa tinguhang makubsan ang kapobrehon sa lalawigan subay sa SDPI Program ug nakalatid sa PAGLAUM Development Agenda sa gobernador sa letrang ‘P’ – Participatory Governance.
By: Asthea Torrecampo/PIO
Hulagway kuha ni: Charm Andy Pacamalan/PIO