GIHATAGAN og importansya sa kagamhanang probinsyal ang tanang kooperatiba agi’g pag-rekognisa sa ilang dakong parte nga mapalambo ang kinatibuk-ang industriya. Kini gibutyag ni Provincial Cooperative Office, Cooperative Development Specialist II Cecille Nebreja atol sa Pamilyang Misamisnon Unahon radio program. Duyog niining selebrasyon sa National Cooperative Month matag Oktubre, giila usab ang tanang naglambigit nga mga ahensya sulod sa rehiyon 10. Kini sa pagpangulo sa Cooperative Development Authority ug Provincial Cooperative – MisOr aron mahatagan pagtagad ang sektor sa Micro, Small & Medium Enterprises (MSMEs). Sa laing bahin, mokabat 42 milyones pesos ang naayudahan sa Provincial Microfinance Unit-Livelihood for Economic recovery & Acceleration Program (PMU-LEAP). Kini human gilusad ni Gov. Peter “Sr. Pedro” Unabia sa lalawigan.