SIETENTAY dos (72) ka mga gagmayng negosyante ang midawat sa ayuda ubos sa programang Provincial Microfinance Unit Livelihood Economic Acceleration Program (PMU-LEAP) sa Binuangan ning probinsya. Usa ka Capacity Development ug Financial Assistance Distribution ang gipaabot ngadto sa mga benepisyaryo. Kwarentay dos (42) ang na-gikan sa Binuangan ug traynta sa (30) sa lungsod sa Salay ang nakadawat sa tag dies mil pesos (P10,000.00) nga ayuda pinansyal. Tumong niini nga kalihokan nga matabangan sila sa pagpalambo sailang mga negosyo ug makahatag dugang capital. Anaa si Gov. Peter ‘Sr. Pedro’ M. Unabia , Salay Vice Mayor Sonny Tan ug uban pang kadagkoan. Ang maong kalihokan gipangulohan sa PMU-LEAP uban ang Provincial Social Welfare and Development Office.

Subay kini sa planong makubsan ang kapobrehon sa probinsya kabahin sa SDPI program ug nakalatid sa PAGLAUM Agenda sa gobernador sa letrang ‘L’ – Livelihood and Employment through Industry Development.