GIPRESENTAR sa Provincial Tourism Department ang ilang naangkon nga mga ganti atol sa milabayng Association of Tourism Officers of the Philippines (ATOP) Pearl Awards 2024. Ang mga pasidungog gilangkoban sa Grand Winner sa Best Tourism Promotions Video, Grand Winner sa Best Tourism Month/Week Celebration ug First Runner-Up – isip Best Tourism Oriented Provincial LGU ug Finalist isip Most Outstanding Tourism Officer Association nga mao ang Association of Tourism Officers of Misamis Oriental (ATOM).

Gipaabot ni Governor Unabia ang iyang dakong pag-ila sa paningkamot sa buhatan tungod sa pagdala niini og dungog ug garbo sa lalawigan. Kahinumduman, ang sektor sa turismo usa sa gitutokan sa administrasyong Unabia alang sa pagpalambo sa panginabuhian ug makamugna og trabaho sa mga Misamisnon.

Kabahin kini sa tinguhang makubsan ang kalisod sa lalawigan subay sa SDPI Program ug sa PAGLAUM Development Agenda ni Governor Unabia sa letrang “G” kon Goal-oriented Tourism Development.

By: Jane Salimbao/PIO

Hulagway kuha ni: Charm Andy Pacamalan/PIO