OPISYAL nang gipa ila-ila ang 24 ka mga kandidata nga nag presentar sa lain-laing Lungsod ug Munisipyo sa lalawigan. Ang matag kandidata nagpakita sa ialang kaanyag, kahibalo nga nagdala sa katahum ug kalinaw nga kultura sa mga kababain-hang Misamisnon. Ang presentasyon dili lamang pagpaila sa mga kandidata apan usa usab ka porma sa pagpasigarbo sa kultura ug tradisyon sa lalawigan.

Dako ang pasalamat ni Miss Balingasag Representative Vanessa Marie Galarza ni Governor Juliette uy sa dakong suporta sa tanan Misoryanons hilabi kanila. Dugang pa ni Miss Balingasag nga 13th Kuyamis Festival dako usab og ikatabang sa pagpalambo sa ekonomiya sa lalawigan. Ang maong kalihokan gilauman na makatabang sa pagdani sa dugang nga mga bisita ug makahatag og positibong epekto sa lokal nga ekonomiya.

Sa padayon na pag-andam sa mga kandidata , nagpaabot ang lalawigan sa mas madasigon ug makadasig nga mga kalihokan padulong sa Coronation Night sa Miss Kuyamis 2026, nga gilauman nga magdala og dugang kadungganan sa Misamis Oriental.

By: Ellen Mae Lahinao/PIO

Hulagway kuha ni: Marvin Gilig/PIO