30 SETS PPE, 3 CONTAINERS ALCOHOL GITUNOL SA ORO FIRE DISTRICT

Posted: June 22, 2020

22062020-20

MAPASALAMATON uyamot ang buhatan sa Bureu of Fire Protection-Emergency Medical Service (EMS) division sa Cagayan de Oro Fire District (COFD) sa nadawat nga personal protective equipment (PPE) ug tulo ka container sa alcohol nga gitunol sa kapitolyo probinsiyal sa Misamis Oriental pinaagi ni Gov. Bambi Emano ug Provincial Task Force for COVID-19 chief Dr. Jerie Calingasan niadtong Martes, Hunyo 16, 2020.
Matud ni Fire Marshall Fire Superintendent Alan Cabot daku kaayog tabang ang maong mga gamit isip proteksiyon kanila nga nagsilbing frontliners nga nakatuka paghatud ug pagkuha sa coronavirus disease 2019 suspected ug positive patients padulong sa Northern Mindanao Medical Center (NMMC).
Kaniadto, mogamit na lang kono sila sa recycled PPEs aron proteksiyonan ilang kaugalingon. Kini, maoy nakatandog kang Gov. Emano ug Dr. Calingasan maong gilakip ang Cagayan de Oro Fire District sa tunola’g gamit batok COVID-19.
Nanghinaut si Gov. Emano ug Dr. Calingasan nga unta makatabang ang ilang gamay nga hinabang ngadto sa atong mga bombero sa Cagayan de Oro.