4 GRASS CUTTERS GITUNOL SA 4 KA TUNGHAAN SA LAGONGLONG

Posted: August 6, 2018

37740292_246806135930412_1580856111651618816_o

[et_pb_section admin_label=”section”][et_pb_row admin_label=”row”][et_pb_column type=”4_4″][et_pb_text admin_label=”Text” background_layout=”light” text_orientation=”left” use_border_color=”off” border_color=”#ffffff” border_style=”solid”]

MALIPAYON nga gidawat sa mga nagkadaiyang tunghaan sa munisipyo sa Lagonglong, Misamis Oriental, ang upat ka grass cutters nga gitunol sa kapitolyo pinaagi sa Local School Board kon LSB atol sa silibrasyon sa 4th anniversary sa Misamis Oriental Care System kon MisOrCareS nga gipahigayon sa nasangpit nga lungsod, Martes, Hulyo 24.
Ang maong mga tunghaan nga midawat naglangkob sa Lumbo National High School pinaagi ni School Principal Mr. Edwin Delig; Umagos Elementary School pinaagi ni School Principal Mr. Joselito Opaon; Lagonglong Central School pinaagi ni Ms. Rubie Molina; ug Kabulawan Elementary School pinaagi ni School Principal Mr. Danilo Vallar.
Daku ang pasalamat sa tibuok organisasyon sa upat ka tunghaan hilabina dakung tabang kini alang sa pag-mentinar sa kalimpyo ug kahamugaway sa palibot. Bisan pa mga magtutungha ug ilang ginikanan nagpasalamat nga dili na sila mangunay ug lampas sa mga sagbot sa ilang eskwelahan.
Gikalipay ni Gobernador Bambi Emano ang padayon nga suporta sa Local School Board ngadto sa iyang pamunuan, pinaagi sa pagtukod ug proyekto sa nagkadaiyang tunghaan sa lalawigan ug pagtunol kanila sa ilang gikinahanglan susama sa de makinang lampas.
Kini nga proyekto sa LSB haum sa ikatulo nga haligi–edukasyon–nga nagtuko sa programang turismo ni Gobernador Bambi Emano.

[/et_pb_text][/et_pb_column][/et_pb_row][/et_pb_section]