4 MISOR BEAUTIES MORAMPA SA NATIONAL STAGE

Posted: February 28, 2020

87939956_554867065124316_8860645225320677376_o

GIPASUNDAYAG atubangan sa mga kawani sa kapitolyo probinsyal ang upat ka dalaga nga mu representar sa lalawigan sa Misamis Oriental ngadto sa national stage atol sa sinemanang pagpakayab sa nasudnong bandila sa kapitolyo, Pebrero 24, 2020.

Hugyaw, singgit ug palakpak ang mga empleyado sa ilang cheer sa dihang gitawag na sila si Miss Maita Marie Parrel nga representante alang sa Miss Teen Philippines; Ms. Isobel Teaño para sa Miss Earth Philippines; Ms. Caroline Veronilla ngadto sa Miss Universe Philippines; ug Ms. Cinderella Faye Obeñita padulong sa Bb. Pilipinas.

Kanya-kanya og adbokasiya ang upat, apan isa lang ang ilang tumong—ang pag-angkon sa korona. Susama kang Caroline, kinsa gradwado sa Xavier University ug kasamtangang volunteer sa humanitarian organization, World Vision Philippines, nagkanayon kabatan-onan nga adunay cancer ang iyang inspirasyon. Nahimong Miss Cagayan de Oro 2015 3rd runner up ug best in swimsuit attire sa susamang indigay si Ms. Veronilla. Lumad nga taga Balingasag ang ginikanan ni Caroline.

Ang Miss Universe Philippines maoy kaniadto Bb. Pilipinas, usa ka pageant franchise nga karon gidumala ni Ms. Shamcey Supsup ang MUP national pageant director.

Karong Mayo 3, 2020, ang koronasyon sa Miss Universe Philippines sa Mall of Asia Arena. Kinsa man ang palaron, maoy mag-representar sa Miss Universe 2020 dala ang pangalan sa Pilipinas.