PORMAL nang gidawat sa Misamis Oriental Provincial Hospital (MOPH) Manticao ang 41 ka unit nga hospital bed ug 5 ka wheelchair para sa ilang pasilidad – Hulyo 28, 2026. “Dako ni og tabang sa amoang ospital tungod kay daan na ang mga hospital bed diri ug gikinahanglan na nga ilisan” – matod ni MOPH Manticao Chief Dr. Vinaflor Realista. Ang mga higdaanan ug wheelchair nag gikan sa donasyon sa mga pribado ug pampublikong ahensya sa gobyerno aron matubag ang mga panginahanglanon sa tanang MOPH sa probinsya.
Kahinumdomang nagpahigayon og ceremonial turn over ang Kagamhanang Probinsyal ug ang stakeholders alang sa pagdawat sa hospital beds ug uban pa nga ekipo para sa mga ospital sa lalawigan sa bulan sa Hunyo 2026. Agi usab kini sa inisyatiba ni Governor Juliette Uy nga matuman ang pagpalambo sa mga hospital sa lalawigan pinaagi sa BANGON strategic agenda. Gipaabot ni Dr. Realista ang iyang pasalamat sa gobernadora tungod sa iyang pagpaningkamot nga maserbisyohan ang mga ospital, taliwala man sa mga hagit sa panahon.
Magpadayon pa ang pagpangapod-apod sa mga ekipo sa lalawigan sa pagpanguna sa Provincial Health Office (PHO) aron mas han-ay ug episyente ang pagserbisyo sa mga ospital sa tanang pasyente nila.
By: Nefilim Diaz/PIO
Hulagway kuha ni: Marvin Gilig/PIO
