KWARENTAY KWATRO ka mga barangay sa Misamis Oriental ang nahimong 2024 Seal of Good Local Governance for Barangays (SGLGB) national passers. Gilangkoban kini sulod sa duha ka dakbayan ug dose ka lungsod ning lalawigan. Sa Alubijid mao ang Brgys. Baybay, Benigwayan, Calatcat, Lanao, Loguilo, Lourdes, Lumbo, Molocboloc, Poblacion, Sampatulog, Sungay, Talaba, Taparak, Tugasnon ug Tula; Brgy. Cogon sa Balingasag ug Brgy. Kabangasan sa Balingoan.
Samtang ang mga Brgy. Ani-e, Gumaod, Minalwang, Punong ug Tamboboan sa Claveria; Brgys. Amoros ug Hinigdaan sa El Salvador City; Brgy. 24-A sa Gingoog City ug Brgy. San Nicolas, Jasaan. Lakip usab niini ang Brgys. Kitotok, Poblacion, Salicapawan ug Salubsob sa Kinoguitan; Brgys. Moog ug Poblacion sa Laguindingan; ug, Brgys. Calangahan ug Poblacion, Lugait . Sa Naawan usab mao ang Brgys. Don Pedro, Linangkayan, Lubilan, Mapulog, Maputi, Tagbal
Gibutyag sa Department of the Interior and Local Government (DILG) nga ang maong rekognasyon pamatuod sa dedikasyon sa kagamhanang probinsyal labina sulod sa kabaranggayan ngadto sa paglambo. Tinuig usab nga assessment ang SGLGB kung asa ang mga key factors gilangkoban sama sa transparency, disaster preparedness, social protection ug financial accountability.
Kahinumdomang una nang giila ang Mis Or uban sa trese ka lungsod ug duha ka dakbayan isip 2024 SGLG National awardee. Niini dako ang pasalamat ni Gov. Peter “Sr. Pedro” Unabia agi’g bunga sa kolaborasyon ug hiusang paningkamot sa tanan .
Kabahin kini sa tinguhang makubsan ang kalisod sa lalawigan subay sa SDPI Program ug kinatibuk-ang PAGLAUM development agenda sa gobernador.
By: Rejiann Ammor R. Maygay/PIO
Photo courtesy: Mis Or PIO & DILG- Mis Or