NAGMABULOKAN ang ika-47th National Disability Right Week Culmination Activity nga adunay temang “Innovation for Inclusion Building Inclusive Communities Together”. Lakip sa kalihokan sa maong selebrasyon ang Posting Making Contest, Crutches Race Amputee, Crutches Race Polio, Basketball on Wheels, Chess, Dama ug The Voice of PWD. Naghatag usab og Raffle Prizes para gamit panimalay sama sa Electric fan, Rice Cooker, Washing Machine ug Blender. Mihatag usab og Cash Prizes nga mismo si Governor Juliette Uy ang mitunol sa mga mananaug.
Tumong niini nga kalihokan nga mabati sa mga Person With Disability nga sila kabahin sa komunidad og dili babag ang ilang tagsa-tagsa nga sitwasyon sa pagpalambo sa probinsya.
Dako ang pasalamat ni FMODAPO Federated Vice President Mr. Elvy Nale kang Governor Juliette Uy sa kanunayong dakong suporta alang kanila. Miduyog sa selebrasyon si Governor Juliette Uy kauban sila 2nd District Board Member Princess Emano , DSWD Region X ug Federation of Person with Disabilities sa lalawigan. Kahinumduman una nang gibutyag ni Governor Juliette Uy nga padayon ang iyang suporta alang sa PWD nga Sektor gani aduna na kini gi-andam nga mga programa alang kanila aron walay Misamisnon nga mabiyaan ug maka-BANGON ang Misamis Oriental.
By: Ellen Mae Lahinao/PIO
Hulagway kuha ni: Jezreel Ecuacion/PIO
