LIMA ka persons deprived of liberty (PDL) ang nahatagan og kagawasan subay sa Handog Laya 2024 program sa Misamis Oriental Provincial Jail (MOPJ). Matud ni MOPJ staff Jesson Barros nga ang mga PDL nga nakabenepisyo sa Handog Laya mao kadtong naka comply sa Good Conduct Time Allowance (GCTA). Ang GCTA nahisubay sa Republic Act 10592 sa Revised Penal Code nga nagtinguhang mamenusan ang sintensya sa mga PDL pinaagi sa maayong buhat sulod sa bilanggoan ug assessment sa jail facility.
Matod ni alyas “Joker”, benepisyaryo sa Handog Laya, importante kaayo kanila ang oportunidad nga makuhaan ang ilang sintensya aron nga makauban na nila ang ilang pamilya. Samtang mapasalamaton si “Joker” kang Governor Peter “Sr. Pedro” Unabia sa maong kahigayonan. Nahisubay ang maong kalihokan sa 30th National Correctional Consciousness Week (NACOCOW).
Kabahin kini sa tinguhang makubsan ang kalisod sa lalawigan subay sa Single-Digit Poverty Incidence Program (SDPI) ug PAGLAUM agenda sa letrang U – Unified Efforts for Health and Social Services Delivery.
By: Nefilim Diaz/PIO
Hulagway kuha ni: Charm Andy Pacamalan/PIO ug sa Misamis Oriental Provincial Jail