504 KA FOOD PACKS GITUNOL SA PSWD SA MUNISIPYO SA SALAY

Posted: August 11, 2020

1182020-8

MOTUBAG gilayon ang buhatan sa Provincial Social Welfare and Development (PSWD) sa mga panginahanglan sa matag munisipyo sa lalawigan sa Misamis Oriental.

Adlawng Sabado, Agusto 8 mibyahe ang buhatan sa pagpanguna sa Head nga si Mr. Jhunleymar Abella paingon sa lungsod sa Salay, Misamis Oriental aron ihatod ang 504 food assistance human ang munisipyo sa Salay nagtala og lima ka mga nagpositibo sa Corona Virus Disease (Covid-19).

Adunay 18 ka pamilya sa Sitio Bobulotan, Barangay Casulog nga apektado sa pagpatuman sa lockdown human gidudahan ang local transmission case sa lugar.

Sa iyang bahin gipaabot ni Municipal Councilor Canesio Tagarda ang iyang dako nga pasalamat sa kapitolyo probinsya sa pagtubag sa ilang hangyo nga mahatagan og hinabang ang maong pamilya.

Walay hunong ug padayon sa pagserbisyo ang Kapitolyo Probinyal ubos sa liderato ni Governor Bambi Emano inubanan ni Provincial Task Force for Covid-19 Chief Dr. Jerie Calingasan aron pagpaabot nga anaa sila kanunay sa likod sa katawhan nga mosapnay aron dili sobra maapektuhan sa unsa man nga kadaot nga hatod sa pandemya.