6 LUNGSOD SA MISOR, MAG-HARVEST NA SA CACAO

Posted: August 6, 2018

37511303_241644773113215_3308634443089969152_o

[et_pb_section admin_label=”section”][et_pb_row admin_label=”row”][et_pb_column type=”4_4″][et_pb_text admin_label=”Text” background_layout=”light” text_orientation=”left” use_border_color=”off” border_color=”#ffffff” border_style=”solid”]

MGA mag-uuma sa unom ka lungsod sa lalawigan sa Misamis Oriental ang mahimo nang mokutlo sa ilang tinanom nga Cacao human sa duha ka tuig nga paghulat.
Nakatakdang mokabat sa 455 ektaryas nga tanom sa Cacao ang mahimo nang ma-harvest sa lungsod sa Gingoog (140 ektaryas), Claveria (110 ektaryas), Initao (25 ektaryas), Naawan (60 ektaryas), Manticao (73 ektaryas), Lugait (25 ektaryas), ug Talisayan (22 ektaryas).
Mokabat sa 3,020.50 ektaryas gikan sa lungsod sa Lugait madulong Magsaysay ang natamnan na sa Cacao. Sigon pa ni Mr. Reynaldo Doong, ang Agricultural Technician – II ug kasamtangang in-charge sa Cacao Industry, adunay 15 ka mga mag-uuma ang makabenepisyo sa kada munisipyo tungod sa gipanghatag nga 800 ka binhi sa Cacao.
Dugang ni Doong, para maka avail sa Cacao seedlings, kinahanglan magsulat ngadto kang Gobernador Bambi Emano, pinaagi ni Dr. Benjamin Resma, ang ulo sa Provincial Agriculture Office (PAGRO), sa ilang intensiyon nga gusto nilang magtanom sa maong main ingredient sa tsokolate.
Gitataw ni Doong nga sugod pa Disyembre 2018 mag-harvest sa ilang abot ang mga mag-uuma. Matag pakigpulong sa gobernador hilabina ang mga mitambong gikan sa sektor sa negosyo sa lalawigan, kanunay niini gipadayag nga swerte ang lalawigan sa Misamis Oriental tungod kay ania kini nahimutang sa tropical country, hinungdan nga matub-an gayud kini sa Cacao. “Dinhi sa Misamis Oriental, kung gusto nato mogama sa lamiang tsokolate, kompleto na kita sa ingredient. Susama sa Cacao, gatas sa baka ug asukar gikan sa tubo. Wala na kitay pangitaon pa,” butyag ni Gobernador Bambi.
Nanawagan pa ang gobernador ngadto sa mga mag-uuma nga buot mobaligya sa ilang abot nga Cacao nga modangat sa buhatan sa Provincial Agriculture Office (PAGRO) aron matabangan sila kung diin nila kini mahimong ibaligya.

[/et_pb_text][/et_pb_column][/et_pb_row][/et_pb_section]