62 LAGUINDINGAN AIRPORT SECURITY PERSONNEL, NAG-NEGATIBO SA COVID-19 RAPID TEST

Posted: June 24, 2020

24062020-1

NAGNEGATIBO ang 62 ka personahe sa Laguindingan airport security sa gipahigayon nga rapid detection test (RDT) sa coronavirus disease 2019 infection. Kini, taliwala sila ang frontliner nga nagadawat sa tanang overseas Filipino workers (OFWs) ug locally stranded individuals (LSIs) sa ilang pagdangat sa tugpahanan matag karon ug unya.
Malipayon kining gipahibalo ni Provincial Task Force for COVID-19 chief Dr. Jerie Calingasan ning bag-o, kung diin lakip sa nagnegatibo si Engr. Job De Jesus, ang area manager sa Civil Aviation Authority of the Philippines (CAAP) ug duha sa iyang staff ug 59 ka miyembro sa Aviation Security Unit (AVSEU).
Gihimo ang RDT sunod sa mando ni Gov. Bambi Emano nga lakip sa prayoridad nga ipaubos sa mandatory test ang mga frontliners susama sa mga security personnel sa tugpahanan.
Niadtong Hunyo 18, 2020 nagpadala og walo ka tawo ang Provincial Health Office (PHO) aron mapahigayon ang nasangpit nga rapid testing sa maong security personnel.