700 KA FOOD PACKS AWTOMATIK GITUNOL SA PSWD SA LGU BALINGASAG

Posted: August 7, 2020

782020-1

AWTOMATIKONG nagtunol gilayon ang pangagamhanang lokal sa Misamis Oriental og 700 ka food packs ngadto sa Local Government Unit (LGU) Balingasag.
Ang pagtunol gipangunahan sa buhatan sa Provincial Social Welfare and Development Office (PSWDO) ubos sa ulo niini nga si ni Mr. Jhunleymar Abella niadtong adlawng Sabado, Agusto 1, 2020.
Gitagana kini sa PSWD human adunay mga nagpositibo sa Corona Virus Disease (Covid-19) sa maong lungsod ug adunay mga naapektuhan.
Ang 500 ka food packs alang sa LGU Balingasag samtang ang 200 ka mga food packs alang sa Misamis Oriental Provincial Hospital sa Balingasag.
Laumang lakip sa makadawat niini ang mga nagbantay sa mga checkpoints sa maong lungsod, mga isolation units diin asa nahimutang ang nagpaubos testing sa Covid-19 ug uban frontliners nga kuyog nga nakigbatok sa Covid-19 aron sa hingpit dili na magkuyanap pa ang virus.
Giaksyunan ug gituman sa PSWD ang kamandoan ni Governor Bambi Emano ug Provincial Task Force Chief Dr. Jerie Calingasan nga dili pasagdan ang mga lungsod nga adunay mga natalang nagpositibo sa virus labina karon temporaryong gipasirado ang balay tambalanan sa dapit human gidudahan nga adunay local transmission sa lungsod.