82 PA KA OFW’S, NAKAULI SA MISOR

Posted: June 22, 2020

22062020-27

LAING 82 ka Misamisnon ang nakapauli sa probinsiya sa Misamis Oriental niadtong Hunyo 16, 2020, nga stranded intawon sa kaulohan tungod sa lockdown.
Sakay sa walo ka sweeper flights ug 74 ka commercial flights ang 82 ka overseas Filipino workers (OFWs) nga mitugpa sa Laguindingan airport sa Laguindingan, Misamis Oriental.
Mikabat na sa suma total 1,414 ka OFWs ug locally stranded individuals (LSIs) ang luwas nga nakapauli sa lalawigan sukad pa niadtong Mayo 25, 2020. Apan, tanan sila wala deretso makapauli sa ilang tagsa-tagsa ka pamilya ug deretso sa isolation units sa kabaranggayan aron makwarentinas sulod sa 14 ka adlaw.
Daku uyamot ang pasalamat ni Gov. Bambi Emano sa Public Employment Services Office (PESO), pinaagi sa pagpangulo ni Ms. Zorobabel Wabe Rabe tungod sa iyang kaikag nga matabangan intawon nga makapauli sa ilang tagsa-tagsa ka minahal sa kinabuhi ang OFWs ug LSIs.