DUYOG sa paglusad sa 96th Founding Anniversary sa Misamis Oriental, ang mensahe ni Gov. Juliette T. Uy misentro bahin sa pag- rekognisa sa kaikag, kaisog ug kalig-on sa probinsya sulod sa katuigan. Kini nahitabo sa capitol grounds, adlawng Lunes- Disyembre 15, 2025. Sulti sa inahan sa lalawigan — “Misamis Oriental has grown through generations of resilience, courage and unity. Our province stands as a testament to what we can achieve when we move forward together.”

Dako ang pasalamat niini sa gipakitang dedikasyon alang sa pag-serbisyo gikan sa tanang opisyales, agencies ug tanang naglambigit aron mahatod sa katawhan ang nagkadaiyang programa. Dugang niini — “Your dedication is the foundation of our province’s continued growth.” Samtang nanguna sa kalihukan ang Provincial Tourism Department uban ang mga ulo sa departamento. Nalipay ang gobernadora sa kalampusan sa pagmugna sa maong kalihukan.

Iyang mensahe sa katawhan — “Makita na unta ninyo unsa ka- kugi ang atong Provincial Tourism nga naningkamot. Malipay ko maghangad nga naghiusa ang hunahuna para lang nga makab-ot nato ang tinguha nga suporta para tanan sa Misamisnons.” Panghinaot sa tanang mitambong niini nga sa ika- 96 ka tuig gikan nahimugso ang lalawigan nga hangtod sa sunod nga mga henerasyon dili malupigan apan magmadaugon gayod ang tanan luyo man sa mga pagsulay.

By: Rejiann Ammor R. Maygay/PIO

.

Hulagway kuha ni: Marvin Gilig/PIO