MALAMPUSONG gipahigayon sa buhatan sa Provincial Assessor’s ang usa ka Public Consultation sa lungsod sa Balingasag adlawng Martes – Mayo 5, 2026. Tumong sa katiguman nga aron mas malalom ang pagsabot sa publiko kabahin sa mga proseso, polisiya ug serbisyo nga may kalabutan sa assessment sa real properties, pag-update sa property records ug uban pang concern nga konektado sa pag-assess sa mga kabtangan sa lalawigan. Gi-presentar pinaagi sa Provincial Assessor’s Office ang Proposed Land Values, Proposed Building and Machinary Values, Land Values Map ug ang papel sa taxpayer sa pagpalig-on sa revenue generation sa lokal nga kagamhanan.

Ubay-ubay nga mga taxpayer ang nahatagan ug higayon sa gipahigayon nga open forum aron ipahayag ang ilang mga concerns kabahin sa valuation sa ilang kabtangan, documentation requirments ug proseso sa pag-update sa ownership record. Gitubag usab kini pinaagi sa Provincial Assessor’s Office aron mahatagan og klarong kasayuran ang publiko. Ang Public Consultation kabahin kini sa padayon nga paningkamot sa kagamhanang Probinsyal sa pagpangulo ni Governor Juliette Uy sa pagdala sa serbisyo nga mas duol sa katawhan ug paghatag og plataporma aron mapaminawan ang ilang tingog.

Gipalauman nga pinaagi sa maong kalihokan mas mapalig-on ang pagsalig sa publiko ug mapauswag pa ang kalidad sa serbisyo nga ihatag sa mga Misamisnon.

By: Ellen Mae Lahinao/PIO

Hulagway kuha ni: Charm Andy Pacamalan/PIO