ASSISTANCE ALANG SENIOR CITIZENS, GIHAN-AY NA

Posted: April 23, 2020

90348187_574523716491984_7204320134482100224_o

ANG pangagamhanang lokal sa Misamis Oriental, pinaagi sa Provincial Social Welfare and Development Office (PSWDO), nangandam na alang sa pagtunol og hinabang sa kabus human gipaubos ni Gov. Bambi Emano ang lalawigan sa general community quarantine nunot na usab sa hulga sa coronavirus disease 2019 (COVID-19).

Apan gitataw ni PSWD Officer Jhunleymar Abella nga prayoridad sa ilang buhatan ang katigulangan ug adunay kabilinggan sa lawas, kinsa maglisod sa pagpangita o pagpalit sa ilang panginahanglan.

“So, ang atong hatagan katong pinaka naapektuhan karon ang atong mga informal settlers, labandera, nagtrabaho sa small eatery, laborers, cargo, carpenters, fisher folks, ug farmers. So, dadto ta naka direkta ug ato pud tagaan prayoridad, of course, atong mga senior citizens and persons with disability kay mao man gyud ni ang sector nga focus sa atoang opisina,” ingon pa ni Mr. Abella.

Dugang pa ni Abella, hugot ilang koordinasyon karon sa tanang Municipal Social Welfare and Development offices sa tanang kalungsuran aron sa pag-ila sa mga pamilya nga angay tunolan sa hinabang.

(HULAGWAY NAKUHA NIADTONG NOBYEMBRE 22, 2019)