AVIATION SECURITY UNIT NALIPAY SA GIHATAG NGA PPE’s SA KAPITOLYO

Posted: June 22, 2020

22062020-8

DAKUNG kalipay ang gibati sa mga sakop sa Aviation Security Unit-10 diha sa Laguindingan Airport sa nadawat nila nga complete sets sa mga personal protective equipments gikan sa panggamhanan sa lalawigan sa Misamis Oriental.
Usa ka adlaw human nila kini gidawat gikan ni Gob. Bambi Emano niadtong Lunes, Hunyo 8, 2020 gigamit gilayon kini sa mga personahe sulod sa laguindingan airport samtang sila nag-asister sa mga pasahero.
Sumala ni ASU Chief Police Coronel Raniel Valones ang maong PPE’s daku ug tabang kanila isip mga frontliners nga maoy labing risgo sa makamatay nga sakit nga covid 19.​
Daku kining gamit nila labi na ning panahon nga nag-abot abot ang mga returning overseas filipino workers ug locally stranded individuals diha sa tugpahanan sa laguidingan.