‘BALAY NENOTCHKA’, NAKA-SERBISYO NA’G 10,444 SOCIAL SERVICES

Posted: February 28, 2020

87800630_553584001919289_8190281038929330176_n

KUNG inutil ang pamunuan karon sa Tagoloan sa pagtubag sa problema sa kabus sa lungsod, maayo na lang anaa ang “Balay Nenotchka” nga naka-serbisyo na sa mikabat 10,444 ka out-patient, libreng tambal, minor surgery, 3-in-1 services, ug financial assistance sukad Setyembre 25, 2019 hangtud Pebrero 9, 2020.

SUGOD niadtong Setyembre 25, 2019 hangtud na sa Pebrero 9, 2020, ubay ubay na ang na serbisyuhan gikan sa sa Balay Nenotcka o Payag sa lungsod sa Tagoloan Misamis Oriental sa pamunuan ni Atty. Nadya Emano Elipe nga maoy igsuon ni Gobernador Bambi Emano.

“Congratulations sa atong extension office sa may lungsod sa Tagoloan. Keep up the good work. Bisan paman ug unsay buhaton sa pagpangguba ug pangdaot kaninyo, ayaw mo pagpakahuyang, magmalig-on kamo kay tan-awa 10,444 ka serbisyo ang inyong natunol,” tambag ni Gobernador Bambi Emano atol sa iyang programa sa radyo, ang Lambo, Misamis Oriental! Niadtong Miyerkoles, Pebrero 19, 2020.

Dugang sa gobernador maayo na lang mi-boluntaryo ang iyang igsuon nga si kanhi Cagayan de Oro Councilor Atty. Nadya Emano-Elipe nga mangulo sa extension office nga gitukod sa tumong nga mapaduol sa katawhan ang serbisyong medikal ug social services susama sa libreng balsama, lungon ug haya, hilabina sa kabus nga maglisod magpatabang sa balay-lungsod sa Tagoloan sa walay pagpili ug pagpihig sa bulok sa pulitika.

Luyo sa batikos, panghimaraot ug pagbugal-bugal sa mga kaatbang sa pulitika ni Gobernador Bambi Emano ang extension office, apan dili kini rason nga mohunong si Atty. Emano-Elipe sa pagtunol serbisyo publiko taliwala pa man nga wala kini pangatungdanan sa lokal nga pangagamhanan.