BALINGOAN PORT, GIPAHUGTAN PANG SEGURIDAD BATOK COVID-19

Posted: April 23, 2020

92230978_582585659019123_442918051428433920_o (1)

HUMAN mitala’g usa ka kaso sa nagpositibo sa coronavirus disease 2019 (COVID-19) ang lalawigan sa Camiguin, gimando ni Gobernador Bambi Emano nga pahugtan pa ang seguridad sa Balingoan Port sa lungsod sa Balingoan, Misamis Oriental, kung hain magpunsisok ang tawo ug salakyan nga pasulod ug gawas sa Camiguin.

Matud ni Provincial Health Officer Dr. Jerie Calingasan gi-alarma na niini ang medical medical teams sa Balingoan port pinaagi sa Municipal Health Office (MHO). Hinuon, matud ni Dr. Calingasan bisan wala pay nagpositibo sa Camiguin, daan nang hugot ang seguridad sa nasangpit nga pantalan batok COVID-19.

Bisan si Provincial Veterinary Officer Dr. Benjamin Resma nagkanayon tanang outgoing ug incoming trucks nga nagdala’g pagkaon patabok sa isla sa Camiguin, moagi gayud sa sanitation protocol, hilabina sa driver ug pahenante niini nga motunob gayud sa foot bath.