NAKADAWAT sa ilang revenue share gikan sa sand and gravel operations ang mga Barangay sa Malinao, Tambagan, Lunao, Mandangoa ug uban pang Barangay sa Misamis Oriental, kauban si Provincial Local Environment and Natural Resources Office (PLENRO) Head Mr. Geran Flores. Sumala kang Mr. Flores, importante nga magtinabangay ang matag Barangay sa pagbantay batok sa illegal quarry ug illegal mining aron mapadayon ang limpyo, patas ug legal nga operasyon nga makatabang sa pagdako sa kita nga mobalik usab sa katawhan.
“Kung protektahan nato ang atong natural resources ug pugngan ang illegal nga operasyon, mas daghan pa gyud ang benepisyo nga mahatag sa atong mga komunidad,” matod ni Flores. Gipakita usab sa administrasyon ni Governor Juliette Uy ang ilang paningkamot nga masiguro nga patas ug tarong nga mahatag sa matag Barangay ang ilang angay nga bahin sa revenue share. Kini usa ka pamatuod nga kung adunay maayong pangagamhanan, ang kita sa probinsya dili lamang kutob sa papel kundili direktang mapakita sa serbisyo ug benepisyo nga maabot hangtod sa pinakagamay nga Barangay.
by: Zyrus James Gelizon/PIO
Hulagway kuha ni: Marvin Gilig/PIO
