BATAKANG SERBISYO ITUNOL GIKAN SA BUHATAN SA PAGRO

Posted: July 14, 2020

14072020-1

NAKAANDAM na ang buhatan sa Provincial Agriculture Office (PAGRO) sa mga kalihukan aron sa pagpa-abot sa mga batakang serbisyo ngadto sa mga mag-uuma sa lalawigan sa Misamis Oriental.
Kini ang iyang gipahibalo ni PAGRO Head Apollo Pacamalan nga karong semanaha ang buhatan mag apud-apud nasab sa tilapia ug bangus feeds, fingerlings, corn seeds ngadto sa lungsod sa Claveria padulong sa siyudad sa Gingoog.
Aktibo usab ang buhatan duyog sa iyang mga kawani sa pagpahigayon og rapid survey aron masuta kung unsang lungsod ang nanginahanglan sa mga materyales nga maoy maka suporta sa mga mag-uuma.
Sa pagsagop sab sa new normal gipanghingusgan ni PAGRO Head Pacamalan ang digitizing information system kon hain gi- aghat niini ang klase nga paghatag sa impormasyon nga ipaagi sa virtual.