Bb. PILIPINAS INTERCONTINENTAL 2021 CINDERELLA OBEÑITA NAG-COURTESY CALL SA AMBASSADOR SA NASUD EGYPT By: GEO DENQUE/PIO

Posted: September 15, 2021

241268049_910740496220582_5967135073629490000_n

“We have more commonalities than differences,” kini ang pahayag Ahmed Shehabeldin, Ambassador of the Arab Republic of Egypt to the Philippines, atol sa courtesy call nga gihimo sa #TeamPhilippines sa Bb. Pilipinas nga gipangunahan mismo ni Binibining Pilipinas Intercontinental 2021 Cinderella Faye Obeñita.

Si Cinderella nga representante gikan sa Misamis Oriental nagpaabot sa iyang kalipay sa sinsero ug suporta nga gihatag sa embahada sa nasud sa Egypt labina ang 75 na ka tuig nga maayong relasyon sa nasud.Gipaabot

Milangkob sab og duha ka oras ang nahitabong panagtagbo kon diin gipaabot ni Ambassador Shehabeldin nga dako ang pagbinayloay og interes ug kooperasyon sa nasud sa Pilipinas ug Egypt.

Taliwala sa ilang panaghisgot gitawagan sab niini ang umaabot nga Ambassador of the Philippines to Cairo nga mao si Ezzedin Hamdi Tago, us aka  half-Filipino, half-Egyptian kon diin giindorso niini ang ilang  gikatakdang pagbisita sa nasud sa Egypt.

Si Cinderella maoy morepresenta sa Pilipinas sa Miss Intercontinental 2021 sa Sharm El Shiekh, Egypt sa umaabot Oktubre 29 ning tuiga ug ang Team Philippines mobiyahe na sa umalabot Oktubre 13.

Daghan pa nga mga mahinungdanon nga hisgotanan ug pagbinayloay sa mga maayong kultura, pagkaon ug uban pa ang gihisgotan atol sa kortesiya ug sa katapusang bahin gitunol sa Ambassador ang usa ka souvenir alang kang Cinderella timailhan sa maayong relasyon sa nasud sa Pilipinas ug Egypt nga moabot na sa 75 ka tuig.