CENTRIO AYALA, NAGDONAR OG CASH SA KAPITOLYO

Posted: May 21, 2020

2152020-17

LAING donasyon na usab ang nadawat sa kapitolyo probinsiyal sa Misamis Oriental alang sa mga frontliners nga hangtud karon nanlimbasog nga magpabiling “zero-case” ang lalawigan sa nagpositibo sa coronavirus disease 2019.
Mikabat sa P100,000 nga kantidad sa cash assistance ang gitunol sa Centrio Ayala Mall management ngadto kang Gov. Bambi Emano atol sa weekly virtual flag-raising ceremony sa kapitolyo, Lunes, Mayo 11, 2020.
Matud sa mall management, ilang gisalig kang Gov. Emano ug Provincial Task Force for COVID-19 chairperson Dr. Jerie Calingasan ang nasangpit nga salapi sa pagtuo nga mopadulong gayud kini sa angay padulngan ug angay paliton aron maggamit sa atong frontliners sa padayong pakigbisog batok sa makapatay nga virus.
Lakip na kini sa listahan sa Transparency Donation Board sa kapitolyo nga gitukod ni Gov. Emano.
Pasalamat uyamot tawon ang halamdong gobernador Bambi Emano ngadto sa tanan private sectors nga mudangop gayud sa iyang tugkaran arun makahatag tabang sa tanan misamisnon nga padayon nakigbisog niining covid.