CHIEF CALINGASAN PABILING LIG-ON SA PAKIGBATOK SA COVID-19

Posted: August 7, 2020

782020-4

PABILING lig-on ug nakasubay sa insaktong gabayan ang mga lakang nga gihimo ni Provincial Task Force Chief Dr. Jerie Calingasan sa pakigbatok sa Covid-19 sa lalawigan sa Misamis Oriental.
Misaka na sa 76 ang positibong kaso sa Covid-19 sa lalawigan apan naatiman kini og maayo sa task force ug niini mapasalamaton si Governor Bambi Emano ngadto kang Dr. Calingasan sa tanan nga sakripisyo nga gihatag niini sa pakigbatok sa makapatay nga virus.
Bisan paman sa wala ug too nga pagsaway nga gibato kanila nagpabiling lig-on ug wala matarog si Dr. Calingasan ug hugot sa iyang mga desisyon kabahin sa pagpakigbatok niini.
Dako ang pagsalig ni Gov. Bambi sa kapasidad og kaalam sa Provincial Task Force Chief nga nakapokos sa pagrotehir sa katawhan inay motumpang sa mga pagsaway.
Dugang ni Governor Bambi nga sulod sa unom ka bulan nga pakigbisog sa probinsya wala masayop si Dr. Calingasan sa pagdirektar sa lalawigan sa insaktong dalan alang sa kaayuhan ug kaluwasan sa katawhan.
Pinaagi sa pagtinabangay ug alyansa sa mga Local Government Unit (LGU) ug Misamis Oriental Provincial Hospitals (MOPH) dako og kumpyansa si Governor Bambi nga ang probinsya magmalampuson sa pakigbatok sa Covid-19.