GIBUTYAG ni Governor Peter “Sr. Pedro” Unabia nga plano niini nga maplastar ang mga Child Development Workers ug Barangay Workers sa probinsya. Kini ang giluwatan sa gobernador atol sa senimanang pagpakayab sa nasudnong bandila sa tinguha nga dili matandog ang mga Barangay Nutrition Scholars (BNS), Barangay Health Workers ug Day Care Workers atol ug panahon sa eleksyon.

Matud sa gobernador nga nakighinabi na siya kang Department of Health Secretary Teodoro Herbosa alang sa maong katuyo-an. Ang pag-institutionalize sa Barangay ug Day care Workers mahimong pilot implementor ang Misamis Oriental. Kahibaloang ang mga Day Care ug Barangay Workers mga volunteer workers nga naglihok alang sa pagpatuman sa programa sa edukasyon sa mga kabataan ug paghatag sa serbisyo medikal sa matag komunidad.
Kahinumdumang gipatas-an ni Governor Unabia ang honoraria sa mga BNS gikan sa tres mil (3,000) pesos ngadto sa singko mil (5,000) pesos karong tuiga.

Kabahin kini sa tinguhang makubsan ang kalisod sa lalawigan subay sa SDPI Program ug sa PAGLAUM Development Agenda ni Governor Unabia sa letrang “A” kon Aggressive Programs for Youth Welfare and Development ug letrang “U” kon Unified Efforts for Health and Social Services Delivery.

By: Jane Salimbao/PIO

Hulagway kuha ni: Charm Andy Pacamalan/PIO