CINDY OBEÑITA, OPISYAL NANG KANDIDATA SA BINIBINING PILIPINAS 2020

Posted: February 21, 2020

img_00103

GARBO sa Cagayan de Oro, Misamis Oriental si Ciñdy Obenita human kini nakuha usa sa mga kandidata nga mag representa sa ilang tagsa-tagsang probensya ug syudad sa Pilipinas.

Ang nahimong screening sa maong pageant gipahigayon sa New Frontier Theater Manila, Pebrero 6, 2020. Dili usab malupigan ang ka anyag ni Cindy, human kini nakuha usa sa 40 ka opisyal nga kandidata gawas sa 56 nga nag screening sa maong pageant. Dili lang usab ka anyag ang naa sa dalaga, lakip na niini ang kalantip nga salabotan.

Si Cindy ang reigning Miss. Cagayan de Oro 2019, kanhi usab Mutya ng National Prissa 2016, first runner up; Miss Camiguin Tourism 2015; ug Mutya ng Prissa Northern Mindanao 2015. Usa usab kini ka AB Communication Cum Laude sa Liceo University.

Ug dakong kalipay ni Gobernador Bambi Emano, kay tungod ni Cindy mas maghatag pa kini og dungog sa Misamis Oriental og nagtoo siya nga makab ot sa dalaga ang kadaogan.