Clearing Operation sa temporaryong gipuy-an sa mga IDPs

Posted: June 26, 2019

64376930_394229724521385_5954618216239071232_n

Kasamtangan pa gihapon ang Clearing Operation sa temporaryong gipuy-an sa mga IDPs kon bakwit gikan sa Brgy. Kamansi, lungsod sa Lagonglong dinhi sa hawanan sa Kapitolyo Probinsyal sa may Capitol Park.
Gikasakit man sa amahan sa lalawigan, Gob. Bambi Emano, ang maong panghitabo apan hisayran gikan sa grupo sa Prov. Legal Office nga maoy iyang gipadala aron masuta ang problema ug ma-plastar kini, nga gikan sailang pakighimamat sa milabayng semana migawas nga naka-supak sa kasabutan ang mga bakwit nga sumala ilang ayuhon lang unta ang mga trapal nga ilang ginapuy-an sa milabay nga kapin usa ka tuig, apan nagtukod pa sila ug dugang nga mga imprastruktura nga mas daku pa kumpara sa una na nilang ginapuy-an.
Tungod niini, duyog ang presensya sa mga kapulisan ug tibuok pwersa sa pangagamhanang probinsyal nahitabo kining pag-tangtang sa mga gihimong balay-balay sa mga bakwit sugod kaganing sayo sa buntag.
Ug kung mahuman na kini, nanghinaot nga maka-pauli na dayon ang mga bakwit sa Lagonglong kay nisaad naman ang Mayor sa maong dapit nga dili na sila pasagdan sailang pagbalik.
Bisan pa man niining tanan, ang Probinsyal nga Pangagamhanan ug si Gob. Bambi Emano kauban ang tanang buhatan nga adunay matabang sa mga IDPs, padayon gihapon ug andam mudangop kanila sa tanan nilang panginahanglanon gawas sa makabalik nga mopuyo diri sa may Capitol Park.

Gigiyahan sa mga kapulisan duyog usab ang mga empleyado sa Kapitolyo ang tanang mga bakwit nga taga-Brgy. Kamansi, Lagonglong Mis. Or. nga temporaryo nakapuyo dinhi sa Provincial Capitol Park sa pagpanghakot sailang mga gamit aron makarga ug maplastar padulong ngadto sailang bag-ong balhinan nga puy-anan sa Lagonglong, adlawng Martes – Hunyo 18, 2019.
Bisan pa man niini, ang amahan sa lalawigan, Gob. Bambi Emano, nanghinaot ug nagalantaw gihapon sailang kaayuhan nga sukad sila nagpuyo dinhi hangtud sa karon nga hingpit na sila nga mulakaw, anaa pa gihapon ang Pangagamhanang Probinsyal andam mudangop sailang posibleng kinahanglanon sa umalabot panahon.