COCONUT INDUSTRY SA MISOR SUPORTADO SA PCA-DRC REGION XI

Posted: August 11, 2020

1182020-5

Nakahatag na sa dili muubos sa 30,000 ka mga coconut seedlings ug seednuts sa klase klase nga mga variety sa coconut tree ang Phillipine Coconut Authority Davao Research Center Region XI ngadto sa probinsya sa Misamis Oriental pinaagi sa Provincial Agriculture Office.

Ang mga planting materials nga gihatag mao ang seedlings sa Tacunan Tall ug Sweet Aromatic Dwarf nga mga variety sa coconut tree. Ang maong mga seedlings gamiton sa itukod nga demo farm ug nursery facility alang sa rehabilitation process sa coconut industry sa probinsya.
Sa kinatibukan, 100000 ka seedlings ang gi request sa probinsya ug hinay2 kaning ihatag sa PCA.

Nahimong posible ang pagsuporta sa PCA Davao Research Center Region XI pamaagi sa personal nga request ni Gov. Bambi Emano ngadtong miaging kang DR. LIBERTY CANJA, kinsa ang REGIONAL MANAGER OF PCA REGION XI, naghatag usab si Dr. Canja sa iyang suhestyon bahin sa pagpahimulos sa tanang produktong mahimo gikan sa tanom nga lubi arun mas mapakusgan pa ang industriya sa pag-uma sa lubi sa probinsya.

Sa parte ni Provincial Agriculturist Jose Apollo Pacamalan, nahisgutan na niini nga buot buhion ni Gov. Bambi ang industriya sa lubi sa probinsya arun sa pagpakusog sa panginabuhian sa mga coconut farmers ug arun makadugang usab sa paglambo sa ekonomiya sa probinsya labi na ang plano nga pagproseso sa tubig sa sweet aromatic variant sa lubi arun mahimong ilimnon nga pwede usab pagkakitaan sa probinsya pamaagi sa pagtukod ug processing plant.

Naghatod pod kini sa iyang dakong pasalamat ngadto kang Dr. Canja sa
iyang kusog nga suporta sa lakang sa PAGRO arun sa pag rehabilitar sa industriya sa lubi sa probinsya.

Nagpahatod sa iyang dakong pasalamat ug pagdayeg ang Regional Manager sa PCA Davao Research Center Dr. Canja ngadto kang Gov. Bambi Emano tungod sa pagpromotar niini sa industrya sa lubi ug sa pag engganyo sa mas daghan pang mga mag-uuma sa pag venture sa coconut farming.

Isip gobernador sa lalawigan, dako kaayo ang pasalamat ni Gov. Bambi Emano sa mga nagdumala sa PCA Davao Research Center Region XI labi na kay ang lalawigan sa Misamis Oriental naila sa Kuyamis, nga usa ka variant sa lubi nga native sa Misamis Oriental.