UPAT (4) ka Composting Facility for Biodegradble Waste (CFBW) ang gitunol sa Department of Agriculture (DA) Region 10 ug Provincial Agriculture Office (PAGRO) sa mga komunidad sa Misamis Oriental. Ang mga benepisyaryo niini mao ang mosunod:

• SAFEGCC Inc. Bread Life Family Farm Entrepreneurial School – Dumarait, Balingasag
• Loving Soils Rural Ventures Training Consultancy Services – Patrocenio, Claveria
• Mat-I National High School – Mat-I, Claveria
• Healthful Living Inc. – Barangay 25, Gingoog City.

Matod ni Roberto Jomen III, opisyal sa Healthful Living Inc. dako kini og tabang kini sa ilang pagpananom sa mga organikong gulayon para sa ilang mga kliyente. Gidugang niya nga mas mapadali pa nila ang ilang produksyon sa gulay tungod sa mga CFBW. Ang pagpangapod-apod sa CFBW nahisubay sa programa sa Bureau of Soils and Water Management of the Department of Agriculture (DA-BSWM) nga makamugnag organikong abono, maka-improve sa soil health, ug pagtabang sa mga rural ug urban farming communities.

Mokabat sa kapin nuebe syentos mil pesos (P 949,984) ang kinatibuk-ang kantidad sa mga composting facilities nga ipangapod-apod. Gipahigayon ang turnover ceremony sa Kapitolyo Probinsyal niadtong Marso 2, 2026 atol sa sinemanang pagpakayab sa nasudngong bandila.

Kahinumdomang prayoridad ni Governor Juliette Uy ang sektor sa agrikultura sa lalawigan aron mapalambo pa ang ekonomiya niini, labina ang panginabuhian sa mga mag-uuma subay sa pagpatuman sa BANGON strategic agenda.

By: Nefilim Diaz/PIO