DAKO nga pasalamat ang gipadayag sa Dancesport community sa probinsya human sa courtesy call ni Doc Ritzy Mutia, Tournament Director for Dancesport sa Misamis Oriental gikan sa Lungsod sa Medina, kang Juliette T. Uy isip kabahin sa ilang pagpangandam sa umaabot nga kompetisyon sa Rehiyon. Kauban ni Doc Mutia ang duha ka young dance pairs ug ilang mga coaches nga puno sa determinasyon ug kahinam sa pagrepresentar sa Misamis Oriental. Gipakita sa maong pagbisita ang lig-on nga panaghiusa tali sa sports sector ug sa probinsyal nga panggamhanan.
Ubos sa liderato ni Governor Uy, padayon nga napalig-on ang suporta sa kabatan-onan, sports development, ug arts sa probinsya. Nailhan siya sa iyang aktibong pagtagad sa mga programa nga naghatag og oportunidad sa mga batan-on nga mapaambit ang ilang talento sa mas halapad nga entablado. Ang maong lakang nagpakita nga pinaagi sa malinawon ug suportadong liderato, mas mudako ang kahigayonan sa mga atleta sa Misamis Oriental nga makadala og dungog ug inspirasyon sa tibuok rehiyon.
By: Kendra Pacaldo/PIO
