DAY CARE WORKERS, GIPASIDUNGGAN

Posted: June 22, 2020

22062020-13

GISAULOG sa Misamis Oriental ang Child Development Workers week sa Hunyo 8-11, 2020. Sentro sa silibrasyon ang paghatag pasidungog sa tanang day care workers sa entero lalawigan tungod sa ilang sakripisyo ug dedikasyon sa pagtudlo sa kabataan taliwala sa hulga sa coronavirus disease 2019.
Matud ni Provincial ECCD head Ms. Maryden Ocot, gimugna ni Gov. Bambi Emano ang Child Development Workers week aron mahatagag panahon ang day care workers nga makalulinghayaw human sa kahago ug pagbudlay aron maka kat-on ug maka pangandam ang kabataan sa ilang pagsulod sa basic education.
Ang day care workers gikan sa lungsod sa Lugait padulong sa lungsod sa Magsaysay nakadawat og nagkadaiyang personalized cards, cash assistance ug plaque of appreciation. Samtang, ang ng mga retires nakadawat sa bonus nga P1,500 alang niadtong nagserbisyo sulod sa 15-20 ka tuig; P2,000 para sa 21-25 ka tuig; P2,500 alang sa 26 ka tuig pataas; ug cash assistance sa tanang 2019 active Child Development Workers.
Matud pa ni Ms. Ocot, angay lamang pasidunggan ug pasalamatan ang child development workers tungod kay dili lilong ug tago nga nahimo silang bayani ning makabag-ong panahon kung hisgotan ang pagpaambit sa ilang kahibalo ngadto sa kabataan sa dili pa sila mosulod sa basic education.