DE-CONTAMINATION BOOTH IPAHIMUTANG SA MGA MAJOR CHECKPOINTS SA MISOR

Posted: April 23, 2020

92040673_579986789279010_5841897808872865792_n

GITURN-OVER sa 58th Infantry Batallion sa Philippine Army kang Gobernador Bambi Emano ang gihimo nila nga de-contamination booth nga maoy gamiton sa PNP checkpoints sa Misamis Oriental.

Ang 3 in 1 nga booth aduna kini foot bath, misting machine ug panghugas sa kamot nga gamiton sa mga tawo ug motorista diha sa checkpoints nga nahimutang sa Lugait, Opol, Tagoloan ug Magsaysay.

Si Gob. Bambi Emano mitagana ug baynte singko mil pesos alang sa maong proyekto nga hinimo sa mga sakop sa armadong kusog.
Masaligon ang gobernador nga pinaagi niini, malikayan pa nga makasulod ang corona virus disease sa lalawigan diin hangtud karon covid free pa gihapon ang MisOr.

Tungod niini, nagtinguha ang mga mayor sa probinsya nga mubutang sab ug susama nga de-contamination booth sa ilang tagsa-tagsa ka mga lugar.