DepEd MisOr NAGPADANGAT OG PASALAMAT KANG GOV. BAMBI

Posted: August 17, 2020

17082020-1

DAKO ang pasalamat sa Department of Education sa Misamis Oriental (DepEd-MisOr) ngadto kang Governor Bambi Emano sa walay puas niini nga suporta sa natad sa edukasyon sa lalawigan.

Agusto 10, 2020 adlaw nga Lunes, atol sa virtual flag raising nagpadangat sa iyang dakong pasalamat si MisOr Department of Education Schools Divisions Superintendent Dr. Jonathan Dela Peña ngadto sa administrasyon ni Emano.

Tungod sa walay hunong niini nga suporta og tabang labina sa pag umod sa edukasyon sa mga kabatan-onan dinhi sa lalawigan.

“Daghan kaayo siya og mga plano para sa Department of Education bisag unsa nalang nga tabang ang gihatag niya mapa health, education, livelihood mapasalamaton kami sa Department of Education” matud ni Dela Peña.

Nakalinya na usab ang mga tabang sa lalawigan niining pagsagop sa mga tinun-an sa new normal kay prayoridad ni Governor Bambi nga dili mahunong ang edukasyon sa lalawigan ug buhaton ang tanan nga paagi nga gawas nga makatoun niining school year luwas sa Corona Virus Disease (Covid-19) ang kabataan.