GIPAUBOS sa Contract Management ug Construction Supervision Orientation ang pipila ka mga buhatan sa Kapitolyo Probinsyal niadtong Marso 17, 2026. Kini gidumalahan sa Department of Interior and Local Government-Misamis Oriental (DILG-MisOr) nga gitambongan sa mga partisipante nga gikan sa buhatan sa Provincial Engineering, Provincial Planning and Development ug Provincial Administrator. Gihisgotan atol sa kalihokan ang Contract Management for Infrastructure Project, Construction Supervision, Project Management (Issues and Concerns), Monitoring for Road Project, Monitoring for Vertical Structure Project ug Monitoring for Water System Project.
Matud ni DILG-MisOr Provincial Director Engr. Marisia Naybe, tumong sa kalihokan nga ma-review ug masayran ang mga guidelines sa pagpatuman sa mga proyekto sa lalawigan. Pinaagi niini, mas dali ug paspas ang pagmonitor sa mga infrastructure projects sa probinsya pinaagi sa mga project engineers. Dugang ni Naybe, gihimo usab kini isip pagpangandam sa umalabot nga implementasyon sa 30-Million water project partikular sa lungsod sa Balingasag.
Pipila lamang kini sa mga kolaborasyon sa Panggamhanang Probinsyal tali sa mga national agencies aron mas mapalig-on pa ang panggobyerno ug maserbisyohan sa epektibong paagi ang katilingban.
By: Jane Salimbao/PIO
Hulagway kuha ni: Jez Ecuacion/PIO
