Human ang sunod-sunod nga kadaugan sa Misamis Oriental Public Employment Service Office (PESO-MISOR) sa Secretary’s Bayanihan Service Award, laing ganti na usab ang gilaumang maangkon sa buhatan.

Nagtuo si Department of Labor and Employment Office (DOLE) Regional Director Albert Gutib nga dako og posibilidad nga masakmit sa buhatan ang national award. Matud niini, maayo ang pagdumala PESO MisOr labi na sa pagtabang sa mga job seeker nga makasulod sa mga kompanya dinhi sa lalawigan ingon man sa gawas sa nasud.

Ang PESO-Misor maoy Regional winner karong tuiga ug mo-representa sa tibuok rehiyon 10 ngadto sa Nasyunal nga lebel alang sa tinuig nga Secretary’s Bayanihan Service Award.

Si Governor Peter Unabia malaumon nga maangkon gihapon sa PESO MisOr ang laing pasidungog.

By: JANE SALIMBAO/PIO