DONSAL EXPRESS, MAPASALAMATON KANG GOV. EMANO

Posted: March 16, 2020

88429752_564100180867671_8607338606937243648_o

SA tanang panahon ug higayon, matag implementar sa proyekto ug programa dinhi sa Misamis Oriental nga makabenepisyo lakip ang katawhan sa Cagayan de Oro, dili gayud malimtan ni Gobernador Bambi Emano sa pagpasalamat niadtong adunay tampo sa kalamposan sa tanang kalihukan sa iyang pamunuan. Isip bugti, tanang nakatagamtam sa kalamboan, dili usab nila malimtan nga pasalamatan ang amahan sa lalawigan.

Bisan ang sektor sa transportasyon dinhi sa Misamis Oriental ug Cagayan de Oro, nakapasalamat kang Gobernador Emano.

Si Donald Rey “Donsals” Ellarina, ang presidente sa Donsals Express Corporation, nagkanayon dili tiaw ang suporta ni Gobernador Emano sa programang Public Utility Vehicle Modernization Program (PUVMP), kung diin naghatag kini og counterpart sa subsidy nga gitunol sa Department of Transportation (DOTr) ngadto sa tanang apektado sa bag-ong programa sa gobyerno.

Sulti pa ni Mr. Ellarin, talagsaon nga klase sa lider si Gobernador Emano tungod kay wala pay local chief executive sa tibuok Pilipinas nga nakahimo sa pagtunol og P70,000 matag indibidwal isip subsidy sa ilang pagpalit sa bag-o ug modernized transport vehicles.

Si Mr. Ellarin, isip transport operator sa coasters nga pasado sa DOTr PUVMP standard, mapasalamaton sa gobernador tungod kay nagpakita kini sa iyang dakung suporta sa modernisasyon sa pampublikong salakyan nga mas tipid sa krudo ug environmentally-friendly pa gayud.