DR. CALINGASAN: HULGA SA VIRUS, DUGAY NANG GIPANGANDAMAM

Posted: April 23, 2020

90227024_573756216568734_4256357318125420544_o

HUMAN gayud mibuto ang isyu sa novel coronavirus sa Wuhan, Hubei, China, nakigpulong gilayon si Gobernador Bambi Emano kang Provincial Health Officer Dr. Jerie Calingasan aron mangandam sa posibleng pagkatap sa nasangpit nga virus, hilabina gikabutyag nga makatakod kini.

Sa iyang pagbisita sa Lambo, Misamis Oriental! sa RPN dxKO niadtong Miyerkoles, Marso 25, 2020, gibutyag ni Dr. Calingasan nga nagsige na’g pangutana si Gov. Emano kalabot na sa update sa virus ug unsay mahimong kadaut niini sa tawo aron makadepensa na daan ang lalawigan batok niini.

“Sugod-sugod pa lang ang istorya kaniadto, mao pay paggawas sa kaning istorya didto sa Wuhan, unya dili mahibal-an kay wala rabay tambal. Nagsige na’g pakig-istorya kanako ang halangdong gobernador…sige panawag nga, ‘you prepare the Province of Misamis Oriental,” subay pa ni Dr. Calingasan.