DR. JERIE CALINGASAN, EMOSYONAL SA NADAWAT NGA DONASYON

Posted: April 23, 2020

93838215_591213151489707_8534566837147402240_o

EMOSYONAL samtang naghatag og pahayag Provincial Task Force for COVID-19 chairman ug Provincial Health Officer Dr. Jerie Calingasan sa iyang nadawat nga donasyon ning bag-o gikan sa kapitolyo probinsiyal nga gitagana alang sa mga frontliners.

“With every little thing nga gihatag sa ato that is a pride ingon ko naa gyud diay gyapon mga tao nga gatan-aw ug unsay buhat sa atong gobernador, unsay gabuhaton natung tanan dinhi sa kapitolyo just to prevent COVID. I did not know also naa diay mga tao ba nga manghatag muingon sila nga this is for you. There was even one donor telling nga this is for the PHO kanang akong pasalamat sa inyong tanan that you have trusted us,” sulti pa ni Dr. Calingasan.

“With all the controversies and misinterpretations of the implementations of the executive orders that we’re having today, I said to the Governor this morning, ‘Gov, ang atong mga decisions we will stand by it. Dili ko mahadlok sa atong mga decisions, Gov, kay everything is in line with the law.’ Walay among gi defy ni Gov, wala usab butang nga nag-una una, mi naghunahuna mi og kadaghan, because it is a preventive measure that we want to do.”

Mapasalamaton usab uyamot og daku si Gov. Bambi Emano sa mga wala damha nga mga donasyon nga miabot sa probinsya alang sa mga Misamisnon.

“Lami bya kayo nga saligan ta no. Some companies, they could have just directly send it to the National Office to NMMC to DOH to the Frontliners, but yet they decided to come to the Provincial Capitol and trusted us. Gisaligan ta nila ba nga kita ang mahimong intermediary, kita ang mahimong tulay. What does it mean? I think, I believe, they trust us, that whatever they will be donating will arrive to people that they want to give it to. Makaabot gyud sa mga tao nga gustong padalhan,” segun pa ni Gov. Emano.

Ang nakanindot dinhi sa Misamis Oriental, dayag, hayag ug adunay transparensiya ang tanang mga nadawat nga donasyon. Gani, makita ang detalye niining tanan, lakip cash ug goods donations sa bag-ohay pa lang gilusad nga Misamis Oriental Transparency Donation Board nga nahimutang sa kapitolyo.