Kapin kon kulang dos syentos ka mga indibidwal ang nakabenepisyo niini sulod sa ilang pagpanarbaho sa 20 ka adlaw. Matod ni DSWD Project Development Officer II Glenn Soliven, ang Local Adaptation to Water Access and Breaking Insufficiency through Nutritious Harvest for the Impoverished (LAWA at BINHI) nagtinguhang mahatagan og panginabuhian ang katawhan pinaagi sa community service nga makahatag kaayohan sa mga panginahanglanon sa maong lugar.

Gidugang ni Soliven, ang mga serbisyong gibuhat sa katawhan sa Sitio Maribojoc mao ang backyard farming ug pag taod sa tubo sa tubig para sa mga panimalay. Matod ni Arnold Tagpulo, mag-uuma sa maong lugar nga dakog tabang kini kanila tungod kay nakapananom silag mga lagutmon ug nakapataod og panubig nga maoy usa sa ilang mga suliran sa komunidad. Kauban sa DSWD ang Provincial Social Welfare and Development Office (PSWDO) ug ang lokal nga kagamhanan sa Tagoloan sa pagpangapod-apod sa tabang pinansyal ug pag implementar sa programa. Samtang mapasalamaton si Tagpulo kang Governor Juliette Uy tungod sa iyang pagpaningkamot nga masuportahan ang ilang mga panginahanglanon pinaagi sa maong programa.

Kahinumdomang usa sa mga haligi ni Governor Uy ang pagtutok sa social protection sa katawahan subay sa BANGON strategic agenda.

Hulagway kuha ni: Marvin Gilig/PIO