DUL-AN 1.5 MILYONES TURISTA, NIBISITA SA MISOR SA 2Q

Posted: August 6, 2018

37611933_244127232864969_340003303507099648_o

[et_pb_section admin_label=”section”][et_pb_row admin_label=”row”][et_pb_column type=”4_4″][et_pb_text admin_label=”Text” background_layout=”light” text_orientation=”left” use_border_color=”off” border_color=”#ffffff” border_style=”solid”]

SULOD lamang sa tulo ka bulan, mikabat na sa 1,498,581 ka mga turista ang nibisita sa Misamis Oriental alang sa second quarter ning tuig.
Kini ang giluwatang report ni Provincial Tourism Officer Atty. Jeffrey Saclot atol sa gipahigayong Lambo Departmental Press Briefing niadtong Biernes, Hulyo 20.
Matud pa niya gikan sa 500,000 nga ihap sa turista niadtong Enero padulong Marso 2018, triple pa ang ihap niini sa bulan sa Abril padulong Hunyo ning tuig.
Malipayon pa kining mipahibalo nga ning maong ihap sa turistang mibisita, mikabat sa P19,324,157 ang kinitaan sa mga tourism destinations susama sa entrance fees ug renta sa mga cottages. Wala pa kini sa kinitaan sa tour guides, habal-habal drivers, gagmay’ng tindahan, pasalubong centers ug uban pa.
Ang Sagpulon Falls, dugang ni Atty. Saclot, mikita na sa P1,196,965 sugod Enero hangtud Hunyo 2018. Samtang sa Agutayan White Island adunay income nga P275,400 gumikan sa bayad sa transportasyon patabok padulong sa maong isla.
Kini ang resulta sa pagtuko sa walo ka haligi sa programang turismo ni Gobernador Bambi Emano.

[/et_pb_text][/et_pb_column][/et_pb_row][/et_pb_section]