GIAPRUBAHAN sa Local School Board (LSB) ang dul-an kinyentos mil (497,855) pesos nga suporta sa mga partisipante sa 2025 Regional School Press Conference (RSPC) Qualifiers. Syento nobenta (190) ka mga bata ang mosalmot sa maong kalihokan nga gilangkoban sa elementary ug secondary level sa nagkalain-laing skwelahan sa Misamis Oriental. Gamiton ang maong kantidad sa pagbansay sa mga partisipante bahin sa journalism, ug ang pagsulat gamit ang linguwaheng Filipino ug Ingles. Molungtad sa tulo ka adlaw ang maong pagbansay subay sa republic act 7079 otherwise known as Campus Journalism Act of 1991. Napatik sa RA 7079 ang proteksyon sa freedom of press sa campus journalism.

Kabahin kini sa tinguhang makubsan ang kalisod sa lalawigan subay sa Single-Digit Poverty Incidence (SDPI) ug PAGLAUM agenda ni Governor Peter “Sr. Pedro” Unabia sa letrang A – Aggressive Programs for Youth Welfare and Development.

By: Nefilim Diaz/PIO

Hulagway kuha ni: Charm Andy Pacamalan/PIO