ENRO NAGPAHIGAYON OG TREE GROWING ACTIVITY SA OPOL

Posted: July 6, 2020

672020-1

NAGPAHIGAYON sa tree growing activity ang buhatan sa Provincial Environment and Natural Resources (ENRO) niadtong Miyerkoles, Hunyo 30, 2020, sa Sitio Maapo, Brgy. Patag, Opol, Misamis Oriental. Sadya ug mabungahon kaayo ang kalihukan nga gipangulohan ni ENRO head Engr. Prisco Valmoria. Bitbit sa grupo sa ENRO ang 150 ka seedlings sa kahoy sama sa Narra, Molave ug uban pa.
Ang kalihukan tipik lang sa kasaulogan sa Environment Month sa bulan sa Hunyo 2020, nga adunay tema: “Protect Nature, Sustain Our Future.”
Sulti pa ni Engr. Valmoria mapasalamaton ang ilang buhatan kang Gov. Bambi Emano sa tanang suporta kanila sa tanan nilang kalihukan sa ENRO, hilabina programa usab sa gobernador ang pagpanalipod sa kinaiyahan nga maoy tinubdan sa kinabuhi sa tanang binuhat ning kalibotan.