EX-REBELS, NAKADAWAT OG AYUDA GIKAN’S KAPITOLYO

Posted: April 23, 2020

93558370_589272921683730_858660753853382656_o

SAMTANG nagpadayon ang hulga nga dala sa coronavirus disease 2019 (COVID-19) dinhi sa Pilipinas, baldado intawon ang ekonomiya ug panginabuhi sa katawhan. Bisan pa gani mga kanhi miyembro sa rebeldeng grupo nga anad na sa kapobrehon, apan nagkalisod pa gihapon. Maoy hinungdan, lakip sila gipatunolan og hinabang ni Gov. Bambi Emano.

Pinaagi sa Provincial Social Welfare and Development Office (PSWDO), nakadawat sa miaging semana ang 40 nato nga kaigsuonang former rebels sa Migbanday, Claveria, Misamis Oriental, og 30 ka sinakong bugas.

Nagmalampuson uyamot ang pagtunol sa hinabang sa pag-abaga ni Lt. Col. Ricky Canatoy, ang commanding officer sa 58th Infantry Battalion.

Lipay uyamot ang mga kanhi kontra sa gobyerno tungod kay aduna silay lugar sa kasing-kasing ni Gov. Emano.

Photo CTTO