FARMERS COOP SA MARIBOJOC, NAKADAWAT LIBRENG CORN SEEDS

Posted: June 8, 2020

862020-12

ANG Maribojoc Coconut Farmers Multi-Purpose Cooperative nga nahimutang sa Sitio Maribojoc, Natumolan, Tagoloan, Misamis Oriental, nakadawat og 10 ka sinakong rice corn seeds gikan sa Provincial Agriculture Office ning bag-o.
Si Diomedes Tapulgo, ang Presidente sa giingoong kooperatiba, mapasalamaton sa maayong programa ni Gov. Bambi Emano alang sa mag-uuma sama nila. Sulti pa ni Tapulgo dako ug tabang kanilang mag-uuma ang ilang nadawat nga corn seeds dugang sa ilang panginabuhian karon samtang wala pa silay harvest sa lubi.
“Nagpasalamat mi kang Governor Bambi Emano nga gitagaan kami ug binhi para sa among pagpanguma ug hinaot unta nga magpadayon iyang pagtabang kanamo nga gagmayng mag-uuma,” paabot ni Pableo Tapulgo, isa sa mga midawat sa libreng corn seeds.
Hugot nga mando ni Gov. Emano ngadto kang PAGRO head Mr. Jose Apollo Pacamalan nga atimanon gayud ang mga mag-uuma sa ilang panginahanglanon aron dunay matanom ug makaon ang katawhan sa Misamis Oriental hilabina ning panahon sa krisis.