FDC MITUNOL OG AYUDA SA PANGAGAMHANANG LOKAL

Posted: April 23, 2020

90356409_573760319901657_2358214869758509056_o

WALA damha sa pangagamhanang lokal sa Misamis Oriental nga bisan private sector motunol og ayuda arun adunay mahatag sa mga kawani nga nagpahigayon og checkpoints sa nagkadaiyang exit ug entry points dinhi sa lalawigan.

Gipasalamatan ni Gobernador Bambi Emano ang FilInvest Development Corporation (FDC) nga nahimutang sa lungsod sa Villanueva tungod sa gihatag niini nga sinakong bugas, kinahon nga de lata, mainom nga tubig, cup noodles ug uban pa, isip suporta sa lakang batok COVID-19.

Malipayong gidawat ni Gov. Emano ang maong mga hinabang ug gilayon gitunol kini sa buhatan sa Provincial Social Welfare and Development Office (PWSDO).

“We would like to thank FDC. You know, FDC is giving us food to share for our people in Misamis Oriental. Our food is actually be distributed to our people, our checkpoints and quarantine areas. It will be the food for the policemen and soldiers, and of course, our force multipliers to go on duty. It’s a great help, a great value and to be honest, you’re one of those who first to lend us a helping hand in these trying times, and to fight COVID-19,” subay sa gobernador atol sa pagbisita sa mga personahe gikan sa FDC sulod sa iyang buhatan.

Magamay o daku nga hinabang nga itunol sa pribadong sektor ngadto sa kapitolyo, malipayon kining dawaton ni Gov. Bambi Emano. Kini, tungod siya nagatuo, dili mahimo kung mag-inusara siya sa pagbatok sa makamatay nga sakit. Gikinahanglan sa gobernador dili lang pagsabot, apan lakip na usab ayudang pinansiyal.