FDC, SUBLING NAGDONAR OG HINABANG PINAAGI KANG GOV. BAMBI

Posted: April 23, 2020

93842504_591761188101570_886526995591069696_o

LAKIP sa listahan sa Transparency Donation Board ni Gov. Bambi Emano ang Filinvest Development Corporation (FDC) sa mga kompanya, organisasyon ug institusyon nga nagtunol og hinabang sa pangagamhanang lokal sa Misamis Oriental aron mahiusahan ang pagbatok sa coronavirus disease 2019 (COVID-19).

Dunay 200 units sa personal protective equipment (PPE) ug 40 units face shield nga nadawat si Gov. Emano nga gilayong gi-apod apod sa tanang ospital ug checkpoints sa lalawigan. Gawas niini, duna pay usa ka unit sa ventilator nga gihatag courtesy sa FDC.

Matud sa FDC, kini ang ilang paagi aron makatabang intawon sa pamunuan ni Gov. Emano ug sa Provincial Task Force for COVID-19 nga mahimong luwas ang frontliners batok sa pagtakboy sa nasangpit nga sakit.

Kini na ang ikaduhang higayon nga nagtunol sa hinabang ang FDC sa atong mga frontliners sa MisOr. Una na silang nakatunol sa sinakong bugas, kinahon nga de lata, mainom nga tubig, cup noodles ug uban pa.

Si Dr. Jerie Calingasan, ang chairman sa nasangpit nga task force, nagkanayon nga aprubado na ni Gov. Emano, isip vice chairman, nga ibutang sa isa sa walo ka Misamis Oriental Provincial Hospital (MOPH) ang nasangpit nga ventilator.